Plantun de Prouvènço

Pèr coumpara dos planto d'encò nostre

Iris pallida & Grimmia orbicularis

Iris pallida

Iridaceae

Nom en français : Iris pâle.

Descripcioun :
Lou coutelas-palinous se vèi naturalisa dins li tepiero roucaiouso e li roucas, autramen se retrovo proche dis oustau ounte se pòu escapa. Sèmblo proun à Iris germanica, mai en pu grand e mai clar.

Usanço :
Dèu agué li mémi prouprieta que lou coutelas-d'Alemagno, Iris germanica.

Port : Erbo
Taio : 30 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Vióuleto
Petalo : 6
Ø (o loungour) flour : 5 à 8 cm
Flourido : Printèms

Sòu : Ca (Si)
Autour basso e auto : 200 à 800 m
Aparado : Noun
Mars à mai

Liò : Tepiero roucaiouso - Roucas - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino pas couneigudo
Ref. sc. : Iris pallida Lam., 1789

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.